Пяць чалавек загінулі, 36 атрымалі раненні ў выніку выбуху каля ваенна-паветранай базы ў горадзе Калі ў Калумбіі, паведамляе БелТА.
«Калі зноў стаў ахвярай атакі наркатэрарыстаў. Грузавік выбухнуў побач з базай ВПС», — сказаў у звароце да жыхароў мэр горада Алехандра Эдэр.
На старонцы ўрада Калі ў X паведамляецца, што ўсе выратавальныя службы горада былі прыцягнутыя да аказання дапамогі пацярпелым.
Алехандра Эдэр абвясціў узнагароду за інфармацыю, якая дазволіць знайсці адказных за тэракт. Улады таксама ўвялі абмежаванне на перамяшчэнне грузавікоў.
