Канферэнцыя прысвечана Дню беларускага пісьменства, Году беларускай жанчыны і асвятленню гісторыка-культурнай спадчыны Касцюковіцкага раёна. Да ўдзелу ў прэстыжным асветніцкім форуме запрошаны навукоўцы, даследчыкі ў галіне культуры, літаратуразнаўцы, архівісты, музейшчыкі, краязнаўцы, пісьменнікі.

​Касцюковіцкі край багаты на літаратурныя імёны. З горадам і раёнам звязаны жыццё і творчасць народнага паэта Беларусі Аркадзя Куляшова, народнага пісьменніка Беларусі Івана Чыгрынава, паэтаў і празаікаў Рыгора Ігнаценкі, Леаніда Левановіча, Алеся Пісьмянкова і іншых мастакоў слова. На Касцюковіччыне праводзіцца шырокая краязнаўчая праца, імёны майстроў беларускага прыгожага пісьменства ўшаноўваюцца ў бібліятэках, навучальных установах края.

Мікола Берлеж.