Інвестыцыйная манета адчаканена на гомельскім прадпрыемстве «Крышталь» тыражом 3 тысячы штук. Манеты з’яўляюцца першымі зліткавымі (інвестыцыйнымі) манетамі, якія Нацыянальны банк Беларусі выпусціў у абарачэнне.

Маса «Славянкі» складае 15,55 г. Яе дыяметр — 27,9 мм, проба сплаву — 999,9.

— Намаляваны на манеце мастацкі вобраз маладой славянкі з маленькім дзіцем на руках у асяроддзі дзвюх райскіх птушачак уяўляе сабой універсальны агульнаславянскі сімвал, які валодае глыбокім унутраным патэнцыялам, — адзначылі ў Нацбанку.

Адзначаецца, што «Славянка» прызначаная для інвеставання і назапашвання. Кошт манеты вызначаецца зыходзячы з колькасці каштоўных металаў, якія змяшчаюцца ў ёй, з улікам цэн, якія склаліся на міжнародным рынку каштоўных металаў.