Алег Кундзелеў падкрэсліў, што маніторынг дарожнай гаспадаркі вядзецца ведамствам бесперапынна і ў розных формах. У прыватнасці, у ліпені КДК дэталёва вывучыў пытанне ўтрымання прыдарожных палос, выявіўшы шэраг сур’ёзных недахопаў — ад зарастання тэрыторый хмызняком да несвоечасовага ўключэння ў абарот пустуючай маёмасці і складзіравання драўніны. Органам дзяржкіравання ўжо рыхтуюцца адпаведныя прапановы. 

Асаблівая ўвага надаецца і будаўніцтву знакавых аб’ектаў, такіх як трасы М3 і М10, а таксама ўзвядзенню мастоў цераз Сож і Прыпяць. «Напрыклад, будаўніцтва моста цераз Прыпяць на ўчастку Лунінец — Столін пачалося нядаўна. Але ўжо ў тым ліку па прапановах камітэта прыняты меры па патанненні гэтага аб’екта на 1,5 млн рублёў за кошт выключэння завышанага кошту будматэрыялаў», — адзначыў спікер. Ён растлумачыў, што ва ўмовах паралельнага праектавання і будаўніцтва працэс аптымізацыі выдаткаў ідзе пастаянна і прапановы КДК сталі важным элементам у зніжэнні кошту.