За апошнія гады колькасць платформ для экспрэс-дастаўкі значна павялічылася, што садзейнічае імкліваму развіццю гэтага сектара. Сёння дастаўка па патрабаванні ахоплівае ўсё шырэйшы спектр тавараў і паслуг. Калі раней асноўную долю складала дастаўка ежы, то зараз актыўна развіваецца дастаўка тавараў паўсядзённага попыту, электронікі, кветак і іншых катэгорый. Напрыклад, на адной з платформаў за мінулы год значна выраслі продажы нарэзанай садавіны, букетаў і бытавой тэхнікі, што дазволіла дасягнуць адзнакі ў 10 млн. заказаў штосутачна.

Час працы сэрвісаў таксама пашыраецца. На платформе Dada доля начных заказаў вырасла з 18% у 2019 годзе да 23% у 2024 годзе. У час свята Вясны гэтага года (з 28 студзеня па 4 лютага) агульны аб’ём заказаў платформы SF CITYRUSH павялічыўся на 72% у параўнанні з аналагічным перыядам мінулага года.

Рост рынку дастаўкі садзейнічае сацыяльна-эканамічнаму развіццю. Згодна з дакладам Інстытута міжнароднага гандлю і эканамічнага супрацоўніцтва пры Міністэрстве камерцыі КНР, з 2018 года сярэднегадавы рост сектара аператыўнага рознічнага гандлю перавышае 50%. У 2023 годзе аб’ём рынку дасягнуў 650 млрд. юаняў, павялічыўшыся амаль на 30%. Да 2030 года чакаецца рост да 2 трлн. юаняў.

З’явіліся новыя працоўныя месцы. У 2020 годзе кур’ер, які працуе праз дадатак, быў афіцыйна ўключаны ў нацыянальны класіфікатар прафесій. Сярэдні месячны даход кур’ера складае каля 7000 юаняў. На платформе Meituan колькасць кур’ераў вырасла з 3,99 млн. у 2019 годзе да 7,45 млн. у 2023-м.

Эксперты адзначаюць, што развіццю галіны спрыяюць урбанізацыя і змяненне спажывецкіх звычак. Моладзь, якая шануе зручнасць і аператыўнасць, становіцца асноўнай рухаючай сілай рынку. Тэхналагічны прагрэс таксама адыграе важную ролю: сучасныя алгарытмы дазваляюць аптымізаваць маршруты дастаўкі за долі секунды. Укараняюцца новыя рашэнні, такія як дастаўка дронамі, што значна скарачае час дастаўкі ў экстраных выпадках, напрыклад, пры транспарціроўцы медыцынскіх матэрыялаў.