Кітай паслядоўна ўмацоўвае навуковую, сістэматычную і цэласную ахову аб’ектаў сусветнай прыроднай спадчыны, дзякуючы чаму ўмовы іх захавання пастаянна паляпшаюцца, паведамілі ў Дзяржаўным упраўленні лясной і стэпавай гаспадаркі КНР, перадае «Сіньхуа».
Паводле ацэнак Міжнароднага саюза аховы прыроды, 90 працэнтаў аб’ектаў спадчыны Кітая атрымалі выдатныя або добрыя ацэнкі, што значна вышэй за сярэднесусветны паказчык у 61 працэнт і сярэднеазіяцкага паказчыка ў 68 працэнтаў.
На сённяшні дзень у Кітаі налічваюцца 15 аб’ектаў сусветнай прыроднай спадчыны і 4 аб’екты культурна-прыроднай спадчыны, па іх колькасці Кітай займае першае месца ў свеце. Гэтыя аб’екты агульнай плошчай больш за 80 тыс. кв. км размешчаны ў 20 адміністрацыйных адзінках правінцыйнага ўзроўню і ўключаюць разнастайныя экасістэмы: горныя масівы, лясы, водна-балотныя ўгоддзі, пустыні і прыбярэжныя зоны.
У апошнія гады Кітай нарошчвае намаганні па ахове прыроднай спадчыны з дапамогай сістэмы ахоўных тэрыторый з нацыянальнымі паркамі ў якасці асновы. Паводле звестак ведамства, больш за 80 працэнтаў аб’ектаў спадчыны прайшлі прыродападобную рэстаўрацыю, што дало магчымасць эфектыўна захаваць аўтэнтычнасць і цэласнасць іх экасістэм.
Адначасова Кітай пашырае каналы па паляпшэнні жыцця насельніцтва і развівае экатурызм, вучэбна-азнаямленчыя экскурсіі на прыродзе, падлесную эканоміку і іншыя «зялёныя» галіны прамысловасці.
На наступным этапе ДУЛСГ уключыць аб’екты сусветнай прыроднай спадчыны ў зону маніторынгу асабліва ахоўных прыродных тэрыторый, садзейнічаючы тым самым узгодненай ахове і развіццю гэтых аб’ектаў і тэрыторый.
Ведамства таксама створыць і ўдасканаліць сістэму і механізмы аховы і кіравання аб’ектамі прыроднай спадчыны, каб забяспечыць іх нарматыўнае кіраванне на высокіх стандартах і высокім узроўні.
