Убачыць возера Цяньчы ў гарах Чанбайшань, дзіўныя краявіды Чжанцзяцзе, схавацца ад спякоты ў Люпаньшуй. Увечары — пагуляць па начных рынках, а днём — апрабаваць беспілотныя аўтамабілі і перадавыя тэхналогіі, у тым ліку штучны інтэлект. Іншаземцы ўжо наведалі сотні кітайскіх гарадоў, і кожны змог знайсці для сябе нешта цікавае.

Пашырэнню шалёнай папулярнасцю спрыяе зручнасць паездак у Кітай. Сёлета ў першым паўгоддзі Кітай наведалі звыш 22 мільёнаў замежнікаў, 80% з якіх — па бязвізавым рэжыме. На сённяшні дзень Кітай у аднабаковым парадку ўвёў бязвіз для грамадзян 50 краін, таксама дзейнічае 240-гадзінны бязвізавы транзіт. Да гэтага можна дадаць зручнасць міжнародных плацяжоў і развітую сістэму высакахуткасных цягнікоў, якія дазваляюць здзяйсняць спантанныя паездкі ў Кітай і па Кітаі.

Галоўная мэта паездкі ў Паднябесную для больш чым 60% замежных турыстаў — адчуць кітайскую культуру. Яны наведваюць месцы здымак папулярных фільмаў, разумныя вытворчыя лініі заводаў электрамабіляў, а некаторыя прыязджаюць спецыяльна, каб карыстацца высокаэфектыўнымі медыцынскімі паслугамі. Многія замежнікі больш не жадаюць падарожнічаць па Кітаю ў спешцы, яны аддаюць перавагу запаволіцца і цалкам паглыбіцца ў кітайскую атмасферу.

Чаму ж Кітай настолькі прывабны? Справа не толькі ў яго шматвяковай гісторыі і культуры, а і ў імклівым развіцці тэхналогій, а таксама ў адкрытасці і ўпэўненасці, якія адчуваюцца ў кітайскім грамадстве. У ліпені гэтага года амерыканскі даследчы цэнтр Pew Research Center апублікаваў глабальнае апытанне, паводле якога ў 27 з 36 апытаных краін і тэрыторый узровень станоўчых адносін да Кітая перавысіў аналагічны паказчык да ЗША. Падобныя вынікі былі атрыманы ўпершыню за 20 гадоў.

Ад інтэрнэт-трэнда на паварот да кітайскага ладу жыцця і паўсядзённых практык замежнікі перайшлі да рэальных паездак у Кітай. Яны дзеляцца сваімі назіраннямі, і з гэтых жывых аповедаў паступова вымалёўваецца шматгранны, сапраўдны Кітай.

Мікалай ЛІТВІНАЎ