У Гуанчжоу кампанія CAS Space прадставіла першы ў Кітаі шматразовы лятальны апарат «Ліхун», які прызначаны для турыстычных палётаў у космас. Апарат здольны здзейсніць звыш 30 палётаў і прызначаны для прадастаўлення высоканадзейных і нізказатратных паслуг у сферы касмічнага турызму, перадае «Жэньмінь жыбаа» анлайн».

Генеральны дырэктар CAS Space Ян Хаалян адзначыў, што акрамя турызму, шматразовая сістэма «Ліхун» можа служыць платформай для навуковых эксперыментаў і даследаванняў у космасе. Яна можа быць выкарыстана для вырашэння ключавых навуковых праблем, звязаных з такімі фактарамі касмічнага асяроддзя, як мікрагравітацыя і радыяцыя, а таксама для адпрацоўкі агульных тэхналогій, што будзе садзейнічаць рэалізацыі такіх буйных дзяржаўных стратэгічных праграм, як пілатуемая месячная місія і даследаванне глыбокага космасу.