Улады імкнуцца зрабіць унутраны попыт галоўнай рухаючай сілай і стабілізуючым фактарам эканамічнага росту. План, які падрыхтаваны Канцылярыяй ЦК КПК і Канцылярыяй Дзяржсавета КНР, накіраваны на стымуляванне спажывання, усебаковае пашырэнне ўнутранага попыту і павышэнне пакупніцкай здольнасці за кошт павелічэння даходаў і зніжэння фінансавай нагрузкі.

Прадугледжваецца забяспечваць эфектыўны попыт за кошт высакаякаснай прапановы, паляпшаць спажывецкае асяроддзе для павышэння спажывецкай актыўнасці насельніцтва, мэтанакіравана вырашаць прыкметныя супярэчнасці, якія абмяжоўваюць спажыванне.

План падзелены на восем асноўных раздзелаў і прадугледжвае цэласны падыход, ахопліваючы такія аспекты, як рост даходаў насельніцтва, павышэнне якасці спажывання паслуг, мадэрнізацыя спажывання тавараў масавага карыстання і паляпшэнне спажывецкага асяроддзя.

Дакумент ставіць за мэту садзейнічаць рацыянальнаму росту заработнай платы праз узмацненне падтрымкі занятасці з улікам эканамічных умоў і ўдасканаленне механізмаў карэкціроўкі мінімальнага памеру аплаты працы. Акрамя таго, плануецца пашырыць каналы атрымання даходаў ад уласнасці за кошт серыі мер па стабілізацыі фондавага рынку і распрацоўкі новых аблігацыйных прадуктаў, прыдатных для індывідуальных інвестараў.

План таксама заклікае вывучаць магчымасці выкарыстання маёмаснай каштоўнасці жылля, якое законна належыць сялянам, з дапамогай такіх мадэляў, як арэнда, долевы ўдзел і кааператыў.

План надае ўвагу як традыцыйным сектарам спажывання, уключаючы нерухомасць і аўтатранспарт, так і сферам, якія нараджаюцца, такім як прадукты на базе штучнага інтэлекту, эканоміка малых вышынь і «сярэбраны» турызм.

Згодна з дакументам, Кітай паскорыць распрацоўку і ўкараненне новых тэхналогій і прадуктаў, уключаючы аўтаномнае кіраванне, пераносныя інтэлектуальныя прылады, відэа звышвысокай выразнасці, нейракамп’ютарныя інтэрфейсы, робататэхніку і адытыўная вытворчасць (больш вядомую як 3D-друк), каб стварыць новыя напрамкі для хуткага росту спажывання.

Прадстаўленыя ў плане меры характарызуюцца геаграфічна дыферэнцыраваным падыходам і прадугледжваюць адрасную палітыку для сельскіх раёнаў, рэгіёнаў, якія багатыя лядова-снежнымі рэсурсамі, і гарадскіх цэнтраў, што дае магчымасць мясцовым органам улады гнутка падыходзіць да рэалізацыі гэтых мер у залежнасці ад канкрэтных рэгіянальных умоў.

У прыватнасці, падтрымка, якая аказваецца рэгіёнам, багатым лядова-снежнымі рэсурсамі, будзе накіравана на іх ператварэнне ў сусветна вядомыя напрамкі зімовага турызму. Разам з гэтым, у плане зроблены акцэнт на развіцці ўязнога спажывання шляхам паслядоўна пашырэння аднабаковых пагадненняў аб бязвізавым рэжыме і аптымізацыі рэгіянальнай палітыкі бязвізавага ўезду.

Увязваючы рост спажывецкіх выдаткаў з шырэйшымі сацыяльнымі мэтамі, такімі як паляпшэнне догляду састарэлых, падтрымка догляду за дзецьмі і забеспячэнне балансу паміж працай і асабістым жыццём, план інтэгруе стымуляванне спажывання ў больш шырокія мэты развіцця Кітая, падкрэсліваючы, што спажыванне пазіцыянуецца не толькі як эканамічная мэта, але і як адзін з інструментаў павышэння якасці жыцця людзей.

Як адзначыла даследчык з Дзяржаўнага інфармацыйнага цэнтра КНР Цзоў Юньхань, спажыванне адыграе ўсё больш важную ролю ў садзейнічанні эканамічнаму росту, аднак, на яе думку, на шляху да раскрыцця спажывецкага патэнцыялу па-ранейшаму застаецца шэраг перашкод.

Гаворачы аб далейшых кроках, яна заклікала да калектыўных намаганняў для ўвасаблення ў жыццё прадстаўленага плана дзеянняў і забеспячэння яго практычнай эфектыўнасці. «Можна спадзявацца, што дзякуючы такім фактарам, як эфект ад інавацый і палітычныя меры, спажывецкі рынак Кітая ў гэтым годзе будзе ўстойліва расці і адкрываць новыя магчымасці. Гэта надасць магутны імпульс высакаякаснаму развіццю кітайскай эканомікі», — падкрэсліла вучоны.