У Кітаі было створана 35 тысяч новых прадпрыемстваў з удзелам замежнага капіталу ў першай палове 2026 года, што на 7 працэнтаў больш у параўнанні з аналагічным перыядам летась. Аб гэтым паведаміла Дзяржаўнае ўпраўленне па рэгуляванні рынку КНР, перадае «Сіньхуа».
У разбіўцы па рэгіёнах, рост колькасці наваствораных прадпрыемстваў з удзелам замежнага капіталу быў зафіксаваны як у буйных экспартных правінцыях, так і ў прыгранічных рэгіёнах, паведамілі ва ўпраўленні. Сярод асноўных правінцый, арыентаваных на экспарт, прырост колькасці наваствораных прадпрыемстваў з удзелам замежнага капіталу склаў 38,6 працэнта ў правінцыі Хайнань (Паўднёвы Кітай), 15,2 працэнта ў правінцыі Шаньдун (Усходні Кітай), 8,1 працэнта ў правінцыі Гуандун (Паўднёвы Кітай) і 6,8 працэнта ў правінцыі Цзянсу (Усходні Кітай).
Пасля запуску рэжыму незалежных мытных аперацый на ўсёй тэрыторыі Хайнаньскага порту свабоднага гандлю, быў уведзены шэраг мер па адкрытасці, накіраваных на стварэнне спрыяльнага дзелавога асяроддзя для замежных інвестараў.
Мяркуючы па сферах, спажывецкі рынак стаў новым напрамкам для прыцягнення замежных інвестыцый. У першай палове гэтага года, колькасць наваствораных прадпрыемстваў з удзелам замежнага капіталу ў сферы аховы здароўя і сацыяльных работ вырасла на 27,1 працэнта ў гадавым вылічэнні, пры гэтым паказчык у аптовым і рознічным гандлі вырас на 11,9 працэнта, у галіне гасцінічнага бізнесу і грамадскага харчавання — 11,7 працэнта.
Паводле даных Міністэрства камерцыі КНР, у першай палове 2026 года амаль 4800 прадпрыемстваў з удзелам замежнага капіталу ажыццявілі дадатковыя інвестыцыі ў Кітай, пры гэтым аб’ём прамых замежных інвестыцый у высокатэхналагічныя галіны вырас на 33,2 працэнта ў гадавым вылічэнні.
У чэрвені Міністэрства камерцыі КНР сумесна з іншымі ўрадавымі ведамствамі абнародавала план дзеянняў па стабілізацыі і аптымізацыі выкарыстання замежных інвестыцый, у ім падрабязна апісаны 15 мер.
У рамках плана прыярытэтную ўвагу прапануецца ўдзяляць пашырэнню доступу, у тым ліку на рынкі паслуг. Акрамя таго, у плане змяшчаецца комплекс канкрэтных мер па прасоўванні ініцыятывы «Інвесціруй у Кітай» і забеспячэнні поўнага ўліку патрэб прадпрыемстваў з удзелам замежнага капіталу па роўным удзеле ў дзяржаўных закупках і справядлівым доступе да вядзення бізнесу.
Мікалай ЛІТВІНАЎ
