У павеце Сіньфэн горада Шаагуань (правінцыя Гуандун, Паўднёвы Кітай) пачаў работу першы ў КНР нацыянальны цэнтр, які аб’ядноўвае выпрабаванні наземнага і паветранага транспарту, перадае «Жэньмінь жыбаа» анлайн».
Наземная частка комплексу займае каля 570 га і прызначаная для поўнага цыклу выпрабаванняў аўтамабіляў з сеткавымі магчымасцямі. Паветраная зона ахоплівае каля 100 кв. км і выкарыстоўваецца для тэсціравання нізкавышыннай тэхнікі, уключаючы лятаючыя аўтамабілі.
Комплекс абсталяваны 34 тыпамі дарожнага пакрыцця, некалькімі доўгімі прамымі трасамі, пляцоўкамі вертыкальнага ўзлёту, ангарамі і базавымі станцыямі 5G-A. Таксама тут дзейнічаюць метэасістэма і лічбавая платформа для кіравання нізкавышыннай прасторай. Цэнтр дазваляе праводзіць больш за 100 відаў выпрабаванняў, у тым ліку праверку ўстойлівасці сістэм кіравання палётам і надзейнасці сілавых установак.
