У Мэнлянь-Дай-Лаху-Васкім аўтаномным павеце правінцыі Юньнань (Паўднёва-Заходні Кітай) ідзе актыўны збор ураджаю кавы. Фермеры імкнуцца завяршыць збор і перапрацоўку зерняў, каб паспець паставіць прадукцыю на рынак да свята Вясны, перадае «Жэньмінь «жыбаа анлайн».
Павет Мэнлянь размешчаны ў так званым «залатым кававым поясе» ўздоўж тропіка Рака. Спрыяльныя кліматычныя ўмовы і аптымальная вышыня над узроўнем мора зрабілі гэты рэгіён адным з ключавых вытворцаў прэміяльнай кавы ў Кітаі. Каля 70 % кававых плантацый знаходзяцца на вышыні ад 1300 да 1700 метраў над узроўнем мора — у ідэальнай зоне для вырошчвання кавы з унікальнымі смакавымі характарыстыкамі.
За гады развіцця ў павеце сфарміравалася развітая кававая індустрыя: плошча плантацый дасягнула 8 тысяч гектараў, з якіх 5,33 тыс. га прыпадае на высокапрадукцыйныя ўчасткі. Тут працуюць 116 прадпрыемстваў па перапрацоўцы кавы, якія забяспечваюць занятасць больш як 70 тысяч чалавек. У сезоне 2024/2025 гг. было выраблена 12,9 тыс. тон кавы.
Дзякуючы селекцыі сартоў, стандартызацыі метадаў вырошчвання і ўдасканаленню тэхналогій перапрацоўкі галіна здзейсніла пераход ад колькаснага росту да павышэння якасці. Плошча плантацый элітных сартоў дасягнула 3,1 тысячы гектараў. У сезоне 2024/2025 гг. доля прэміяльнай кавы склала 71 % — найвышэйшы паказчык у правінцыі Юньнань.
