У вёсцы Наньцунь, якая знаходзіцца ў правінцыі Шаньдун на ўсходзе Кітая, дзейнічае ўнікальная практыка: кожнаму жыхару, які дасягнуў 22 гадоў, прадастаўляецца кватэра, перадае «Жэньмінь жыбаа» анлайн».

Напрыканцы мая 22-гадовы дэмабілізаваны вайсковец Лі Кэчэнь атрымаў ключы ад кватэры плошчай 100 кв. м цалкам бясплатна. У гэты ж дзень шасцёра маладых людзей таксама атрымалі новыя кватэры. 

З 2009 года вёска Наньцунь рэалізуе праграму бясплатнага размеркавання кватэр сярод моладзі. За 16 гадоў было выдзелена 218 кватэр. Умовы атрымання жылля простыя: неабходна быць мясцовым жыхаром і дасягнуць 22-гадовага ўзросту. Працэдура размеркавання максімальна справядлівая — спачатку вызначаецца чарговасць па даце нараджэння, потым — нумар кватэры.

Эканамічная аснова такой шчодрасці была закладзена ў 2005 годзе, калі былы вайсковец і прадпрымальнік Лі Фэндэ стаў кіраўніком вёскі. Пад яго началам была абрана стратэгія развіцця калектыўнай эканомікі. Вёска пабудавала гандлёвыя памяшканні плошчай 100 тысяч кв. м, што прыносіць звыш 20 млн юаняў арэнднага даходу штогод.

Сёння актывы вёскі Наньцунь перавышаюць 2 млрд. юаняў, калектыўны даход складае больш за 100 млн. юаняў, а наяўны даход на душу насельніцтва — 39 тысяч юаняў.

Акрамя бясплатнага жылля, жыхары маюць мноства іншых ільгот: грамадзяне старэйшыя за 60 гадоў штогод атрымліваюць дывідэнды ў памеры 7 тысяч юаняў, астатнія — па 4 тыс. юаняў. Вёска таксама арганізуюць бясплатныя медыцынскія агляды, святочныя падарункі і сучасную інфраструктуру. На сацыяльныя патрэбы было выдзелена 300 млн. юаняў.