Як паведамілі ў прэс-службе ведамства, у рамках мерапрыемства беларускі бок прапанаваў Польшчы разгледзець магчымасць аднаўлення пасажырскіх міжнародных і прыгранічных рэгіянальных зносін паміж краінамі з улікам высокай зацікаўленасці грамадзян.

На 52-й сесіі абмяркоўваліся прыярытэтныя кірункі работы: па ўдасканаленні нарматыўнай прававой базы і фарміраванні ўзгодненай транспартнай палітыкі ў сферы грузавых і пасажырскіх перавозак у міжнародных зносінах, павышэнні канкурэнтаздольнасці чыгуначнага транспарту ў еўраазіяцкіх зносінах, развіцці міжнародных транспартных калідораў.

Наступная сесія нарады міністраў АСЧ пройдзе ў чэрвені 2026-га ў Таджыкістане, дадалі ў БЧ.