Як расказваюць бацькі вучняў дадзенай школы, тэмпература ў памяшканнях апускалася да 10 градусаў па Цэльсіі, вучні на ўроках сядзяць у куртках. Бацькі вучняў выказваюць асцярогі, што такія ўмовы могуць нашкодзіць здароўю дзяцей.

Прычына такой сітуацыі, як пішуць СМІ, у тым, што выйшаў са строю кацёл. Дырэктар Кідуляйскай школы пацвердзіла наяўнасць праблемы з ацяпленнем. Паводле яе слоў, сітуацыя ўскладнілася з-за таго, што падчас школьных канікул навучальная ўстанова ацяплялася не цалкам, а таксама з-за пахаладання і моцнага ветру. 

Для вырашэння праблемы аб’яўлены конкурс на куплю і ўстаноўку новага катла, у дадзены момант ідзе працэдура дзяржаўных закупак. Аднак бацькі дзяцей, якія вучацца ў дадзенай школе, асцерагаюцца, што працэс можа зацягнуцца.