2 верасня ў 16:26 ратавальнікам паступіла інфармацыя аб пажары ў кватэры шматпавярховага жылога дома на вуліцы 50 гадоў СССР. На месцы здарэння работнікі МНС выявілі дым, які ідзе з акна балкона на другім паверсе. У кватэры пражывае шматдзетная сям’я — бацькі і шасцёра дзяцей. Ратавальнікаў выклікаў 11-гадовы сын.

Хлопчык і яго двухгадовы брат знаходзіліся дома адны. Дзіця пачула сігнал спрацаваўшага аўтаномнага пажарнага апавяшчальніка, убачыла загаранне на балконе і дым у пакоі. Пасля гэтага хлопчык забраў малодшага брата і разам з ім пакінуў кватэру. Апынуўшыся ў бяспецы, хлопчык патэлефанаваў у службу МНС і паведаміў пра пажар.

Падраздзяленні МНС ліквідавалі пажар. Ніхто не пацярпеў. Эвакуацыя жыхароў пад’езда не спатрэбілася. Прычына здарэння высвятляецца.