Удзельнікам новай схемы тэлефонных ашуканцаў стаў звычайны студэнт мінскай ВНУ. Яму пазванілі ад імя адзінага партала электронных паслуг Е-Паслуга і ў час размовы прымусілі стаць кур’ерам для ашуканцаў.
Следчыя ўстанавілі, што ў красавіку гэтага года, 20-гадоваму студэнту сталічнай ВНУ патэлефанавалі нібыта з Белпошты і паведамілі аб заказным лісце з Міністэрства адукацыі. Для пацвярджэння дастаўкі яго папрасілі назваць адрас электроннай пошты і код з смс-паведамлення.
Неўзабаве на пошту студэнта прыйшло паведамленне ад партала Е-паслуга (які, як пазней высветлілася, быў несапраўдным), дзе гаварылася, што ашуканцы завалодалі яго данымі і робяць незаконныя пераводы грошай за мяжу. Каб пазбегнуць крымінальнай адказнасці за «фінансаванне тэрарызму», студэнту неабходна было перайсці па спасылцы з ліста і адправіць сваю фатаграфію са студэнцкім білетам, а далей выконваць усе ўказанні куратараў.
Праз некалькі дзён, па ўказаннях куратараў, ён забраў пакет у 74-гадовай пенсіянеркі, якая стала ахвярай махляроў па схеме «Водаканала». Пасля перадачы пакета студэнт паехаў у Магілёў на таксі і перадаў грошы «пазаштатнаму супрацоўніку».
Па гэтым інцыдэнце вядзецца расследаванне.
Савелій Зубаў
