У Ратамскім лясніцтве дзяржаўнай лясной аховай выявілі златагузкі — лістагрызушчага шкодніка. З 4 па 5 чэрвеня ў лясным масіве паміж аг. Атоліна і в. Стукацічы правядуць апрацоўку інсектыцыдамі. У гэты перыяд наведванне лесу будзе небяспечна для людзей і хатніх жывёл, паведамляе «Прысталічча».
Для забеспячэння мер бяспекі па межах апрацоўваных участкаў будуць устаноўлены папераджальныя таблічкі «Увага! Апрацавана пестыцыдамі (сродкамі абароны раслін). Забараняецца знаходжанне людзей і хатніх жывёл!».
Златагузка здольная інтэнсіўна харчавацца аж да поўнага аб’ядання насаджэнняў. Вусені златагузкі пакрытыя валасінкамі, якія могуць выклікаць алергічную рэакцыю пры кантакце са скурай або слізістай чалавека.
Па ўсіх пытаннях звяртайцеся па тэлефонах:
8 (029) 814-81-43 (Максім Аляксандравіч Кавалеўскі),
8 (044) 549-66-98 (галоўны ляснічы Сяргей Валер’евіч Ніжнік).
