Возера ў Пячэрскім лесапарку — адно з улюбёных месцаў адпачынку гараджан. Камфортны пляж, абсталяваны ўсім неабходным, — у межах горада. Летам тут заўсёды шмат людзей.

«Было шмат зваротаў грамадзян з нагоды ачысткі Пячэрскага возера і часткі яго рэчышча. Таму ўлады горада прынялі рашэнне ў 2026 годзе правесці маштабную ачыстку возера і яго рэчышча працягласцю каля 1 км», — адзначыў Васіль Ганевіч.

Спусціць ваду з возера — задача няпростая. А таму перад стартам маштабных работ спецыялісты прынялі рашэнне праверыць працаздольнасць усіх сістэм, у тым ліку гідратэхнічнага збудавання. Каб гэта зрабіць, у возеры панізілі ўзровень вады. «На гэты момант усе выпрабаванні скончаны, перакрыты адток вады, чакаем поўнага запаўнення возера, каб да пляжнага сезона гараджане і госці горада маглі з камфортам адпачываць», — расказаў першы намеснік дырэктара.

Да маштабных работ тут прыступяць восенню. Спачатку апусцяць узровень вады, потым зоймуцца ачысткай дна ад смецця і глеістых адкладанняў. Паралельна ўсё гэта будуць вывозіць. Як адзначыў Васіль Ганевіч, са старажылаў ніхто не памятае, калі апошні раз так чысцілі вадаём.

«Ачыстка возера дасць зусім іншую якасць вады, павысіць бяспеку вадаёма і зробіць адпачынак магілёўцаў і гасцей абласнога цэнтра яшчэ больш камфортным і прыемным», — падсумаваў першы намеснік дырэктара.