Ноччу 11 жніўня на нумар 112 паведамілі пра пажар дома на вуліцы Арлоўскага ў Магілёве. На момант прыбыцця падраздзяленняў МНС да месца здарэння дом гарэў адкрытым агнём, назіралася шчыльнае задымленне, часткова абваліўся дах.

У адным з пакояў ратавальнікі выявілі 13-гадовую ўнучку гаспадыні і з дапамогай спецыяльнай маскі вывелі яе на свежае паветра. Дзяўчынка не пацярпела. З другога пакоя работнікі МНС вынеслі мужа гаспадыні дома — самастойна перасоўвацца мужчына не мог. Выратаваны дастаўлены ў бальніцу.

Работнікі МНС ліквідавалі пажар. Як мяркуецца, яго прычынай стала кароткае замыканне ў электраскутары.

На месцы надзвычайнай сітуацыі працавалі чатыры адзінкі тэхнікі МНС.