Аператыўнікі выявілі чацвярых непаўналетніх юнакоў ва ўзросце ад 14 да 17 гадоў, якія ў начны час з тэрыторыі аўтастаянкі, размешчанай у Маладзечне, выкралі чатыры матацыклы. Шкода склала больш за 13,5 тыс. рублёў.

Падлеткі з дапамогай балтарэза перакусілі дужку замка і адчынілі вароты стаянкі. Тэхніку перацягнулі спачатку ў бліжэйшую вёску, а затым кожны выбраў сабе ўпадабаны транспарт. Падлеткі расказалі аператыўнікам пра планы на выкрадзенае: напрыклад, адзін з хлопцаў планаваў разабраць матацыкл на запчасткі.

Следчыя ўзбудзілі крымінальную справу.

Напярэдадні летніх канікул міліцыя ў чарговы раз нагадвае бацькам пра кантроль і арганізацыю занятасці дзяцей. «Вы павінны ведаць, дзе знаходзіцца ваша дзіця, чым яно занята і з кім камунікуе», — падкрэслілі ў ведамстве.