Беларусь на конкурсе прадставіць маладая выканаўца Анастасія Краўчанка. У фінале яна выступіць з песняй «Матылёк», словы да якой напісала сама. Раней артыстка падзялілася з журналістамі, што «Інтэрбачанне» асабліва важна для яе тым, што яна прэзентуе не толькі сябе, але і сваю краіну. «Ты разумееш, што ты — голас сваёй краіны. Ты выбар сваёй краіны. Гэта вельмі важнае мерапрыемства для любога артыста. Гэта сапраўды велізарная прыступка ў маёй творчай біяграфіі. Гэта тое, пра што я марыла з самага дзяцінства», — сказала яна.

На рахунку артысткі — перамогі і ўзнагароды на міжнародных і рэспубліканскіх конкурсах. За апошнія некалькі гадоў яна стала суперфіналісткай музычнага шоу «X-Фактар. Беларусь», фіналісткай шоу «Залятай у трэнды» і лаўрэатам «Песні года Беларусі» і «Новай песні года» ў Маскве.

Усяго ў конкурсе прыме ўдзел 23 краіны. Сярод іх Беларусь, Расія, Казахстан, Узбекістан, Бразілія, ЗША, ААЭ, Саудаўская Аравія, Кітай, В’етнам, Кенія, ПАР і іншыя. Многія артысты адзначылі, што для іх гэты конкурс не спаборніцтва, хто лепшы, а дыялог культур, абмен вопытам і магчымасць адкрыць для сябе нешта новае.

Сам конкурс пройдзе на адной з самых тэхналагічных пляцовак — «Live Арэна». Яго трансляцыя будзе весціся практычна на ўсіх кантынентах. Патэнцыйна гледачамі конкурсу змогуць стаць больш за 4 млрд. чалавек. Пачнецца конкурс у 20:30.

Пераможца конкурсу будзе адзін, і разам з прызавым фондам ён атрымае Кубак пераможцы «Інтэрбачання». Хто стане лепшым, вызначыць галасаванне міжнароднага прафесійнага журы, якое складаецца з прызнаных музычных экспертаў ад кожнай з краін-удзельніц.