У Мінаблвыканкаме і ўсіх раёнах вобласці працуюць гарачыя лініі па пытаннях неспрыяльных умоў надвор’я. Пра гэта БелТА паведамілі ў прэс-службе Мінскага аблвыканкама.
У сувязі з неспрыяльнымі ўмовамі надвор’я, якія ўстанавіліся ў цэнтральным рэгіёне, Мінскім аблвыканкамам, райвыканкамамі і Жодзінскім гарвыканкамам арганізаваны гарачыя лініі для аператыўнага вырашэння пытанняў, якія ўзнікаюць у жыхароў.
У Мінскім аблвыканкаме можна звярнуцца па тэлефоне 8 (017) 500-41-25. Нумары гарачых ліній рай- і гарвыканкамаў размешчаны на сайтах і ў сацсетках ведамстваў.
Гарачыя лініі будуць працаваць 9 студзеня да 20.00, а 10-11 студзеня з 8.00 да 18.00.
