«У цэлым вясна, я б нават сказаў, для аграрыяў спрыяе. Паступова ідзе нарошчванне тэмпературнага патэнцыялу, не было хуткага раставання снегу, які, дзякуй богу, у зімовы перыяд прысутнічаў на палях», — адзначыў Мікалай Лешык. 

Паводле яго слоў, засушлівыя перыяды прывялі да павелічэння глыбіні залягання грунтавых вод. «І, на жаль, аб’ёму снегу нават па Віцебскім рэгіёне, які дасягаў месцамі да 50 см, і па Гомельскай вобласці каля 30-35 см, аказалася недастаткова, каб падняць грунтавыя воды да ўзроўню папярэдніх гадоў. Таму аграрыі бачаць праблему ў тым, што ўсё ж нейкі недахоп вільгаці магчымы сёлета. Нават пры раўнамерным выпадзенні ападкаў у рамках шматгадовых норм і станоўчым тэмпературным рэжыме ёсць невялікія апасенні ў частцы забеспячэння воднага рэжыму», — растлумачыў ён. 

Тым не менш аграрыі актыўныя і заўсёды падладжваюцца пад зменлівыя ўмовы. «Думаю, што змяненне структуры сартавога саставу на палях і змяненне часам відавога саставу культур на палях накіравана на тое, каб выкарыстоўваць больш засухаўстойлівыя расліны з высокім патэнцыялам ураджайнасці», — адзначыў ён. 

Што датычыцца матэрыяльнага складніка (мінеральныя ўгнаенні, тэхнічнае забеспячэнне, працоўныя рэсурсы), у гэтых напрамках пастаянна, штогод вядзецца пэўная работа. «Вызначаны аб’ём урадам паставак мінеральных угнаенняў — памесячны ў бягучым годзе, у папярэднія два месяцы выкананы практычна на 100%, — адзначыў Мікалай Лешык. — Рэгіёны выкупляюць іх у адпаведнасці з графікамі. Па сакавіку бачым, што боязі няма і графікі павінны быць выкананы на 100%. Ну і далей вядзецца работа па красавіку, маі. У выніку графікамі прадугледжана: пад ураджай 2026 года пры поўным аб’ёме мы зможам забяспечыць назапашванне крыху вышэй за ўзровень папярэдняга года. Гэта значыць назапасіць і занесці пад ураджай».