Складаныя ўмовы надвор’я негатыўна ўплываюць на дарожную абстаноўку і патрабуюць ад вадзіцеляў і пешаходаў асаблівай асцярожнасці і ўважлівасці. У тумане скажаецца ўспрыманне адлегласці, з-за чаго кіроўца і пешаход могуць не заўважыць адзін аднаго.

Дзяржаўтаінспекцыя рэкамендуе аўтамабілістам зніжаць хуткасць (яна павінна дазваляць спыніць транспартны сродак у межах бачнасці дарогі ў напрамку руху), павялічваць дыстанцыю і бакавы інтэрвал, абавязкова ўключаць знешнія светлавыя прыборы, адмовіцца ад рэзкіх манеўраў, а таксама ў месцах, дзе магчыма з’яўленне пешаходаў на праезнай частцы, праяўляць павышаную асцярожнасць.

Пешаходам абавязкова трэба выкарыстоўваць святлоадбівальныя элементы. Пераходзіць дарогу толькі па пешаходным пераходзе, пераканаўшыся, што ўсе кіроўцы вас заўважылі і прапускаюць. Быць вельмі ўважлівымі і асцярожнымі, не адцягвацца на гаджэты. Перад пераходам дарогі здымаць навушнікі і прыспускаць капюшоны, каб чуць і бачыць транспарт, які набліжаецца.