Узначаліў камісію намеснік старшыні Мінгарвыканкама Алег Корзун. «Мы праводзім розныя мерапрыемствы для таго, каб людзі камфортна адпачывалі, і ў той жа час звяртаем увагу на бяспеку. Глядзім на наяўнасць агародж для плавання дзяцей, гульнявыя пляцоўкі, зоны для актыўнага адпачынку. Кропкі гандлю павінны працаваць і ў выхадныя дні, і ў будныя дні, гэтаму ўдзяляем вялікую ўвагу. Асаблівую падзяку хочацца выказаць суб’ектам гаспадарання за праведзеную каласальную работу ў добраўпарадкаванні пляжаў», — прыводзіць словы намеснік старшыні прэс-служба.
У Мінску функцыянуе 23 пляжы, на якіх выкарыстоўваецца звыш 2 тыс. ляжакоў і 150 альтанак, вырабленых Мінскай лесапаркавай гаспадаркай да купальнага сезона. Па выніках аб’езду вызначаны найлепшыя зоны адпачынку.
- Першае месца за Маскоўскім раёнам (вадасховішча «Дразды», пляж нумар 5), на другім — Заводскі раён (вадасховішча «Заслаўскае», пляж нумар 6), бронза каля Першамайскага раёна (вадасховішча «Заслаўскае», пляж нумар 9).
