У Мінскім ЖКГ адзначылі, што галоўным прыярытэтам з’яўляецца бяспека. Супрацоўнікі прадпрыемства кругласутачна вядуць работы па ліквідацыі наступстваў снегападу, уключаючы механізаваную і ручную прыборку дваровых тэрыторый.

Для забеспячэння бяспекі і чысціні ў дварах задзейнічаны 181 адзінка тэхнікі, 46 сродкаў малой механізацыі, 1506 рабочых па комплекснай прыборцы і ўтрыманні домаўладанняў, а таксама 444 інжынерна-тэхнічных работніка.

Акрамя таго, да расчысткі снегу далучыліся 577 сталічных арганізацый.

Як расказалі ў «Гаррамаўтадар Мінгарвыканкама» ва ўмовах інтэнсіўных ападкаў у сталіцы таксама арганізавана бесперапынная работа снегапрыбіральнай тэхнікі. Асноўны аб’ём работ па ачыстцы праезнай часткі выконваўся ў начны час з мэтай аператыўнага аднаўлення нармальнага функцыянавання гарадской транспартнай інфраструктуры. Спецыялісты прадпрыемства працуюць ва ўзмоцненым рэжыме, каб аператыўна расчышчаць гарадскія вуліцы і тратуары.