Завяршыўся месячнік па навядзенні парадку ў Мінску. Як расказаў дырэктар КУП «Тэхнічнае ўпраўленне Мінгарвыканкама» Ігар Ярмоленка, на сённяшні дзень не засталося недапрацовак па добраўпарадкаванні на месцах аварыйных раскопак, якія праводзіліся ў асенне-зімовы перыяд. Аднак работа толькі пачынаецца на будаўнічых пляцоўках і перакладцы сетак.
Ігар Ярмоленка растлумачыў, што зараз на пастаянным кантролі тэхнічнага ўпраўлення знаходзяцца перакладка ўнутрыквартальных і магістральных сетак, а таксама аб’екты інжынернай інфраструктуры. Мінгарвыканкам паставіў задачу да канца месяца аператыўна навесці парадак на гэтых аб’ектах.
«Пастаўлена задача да канца месяца максімальна навесці добраўпарадкаванне тых аб’ектаў, якія былі ў зімовы, асенні перыяд у рабоце».
Акрамя таго, перапрацавана рэдакцыя рэгламенту правядзення раскопак у Мінску. Узмоцнена адказнасць не толькі непасрэдных выканаўцаў, але і кіраўнікоў арганізацый. Каб мінімізаваць наступствы несанкцыянаваных аварыйных работ і пашкоджання інжынернай інфраструктуры, у дакумент унеслі новыя патрабаванні.
«Што датычыцца работы „Мінскіх цеплавых сетак“, то гэта перакладка сетак у Першамайскім раёне — па вуліцы Цікоцкага. У Ленінскім раёне — у кварталах Ракасоўскага, Якубоўскага, Пляханава, Малініна. Вядзецца перакладка інжынернай інфраструктуры для будаўніцтва метро ў Савецкім раёне — па вуліцах Багдановіча, Крапоткіна; у Цэнтральным раёне — праспектах Машэрава і Пераможцаў», — расказаў спецыяліст.
Па рэгламенце, на аварыйныя работы выдаецца дазвол на дзесяць дзён. За гэты час падрадчыкі абавязаны не толькі выканаць мантаж, але і цалкам аднавіць добраўпарадкаванне ўчастка. Для планавых рамонтных работ тэрміны вызначае праектная дакументацыя.
Ігар Ярмоленка запэўніў, што ўсе аб’екты на кантролі, але калі жыхары заўважаюць праблему — могуць званіць, камунальнікі абавязаны даць вычарпальны адказ.
Надзея ЗУЕВА
