Так, штомесячная даплата да пенсій асобам, пенсійнае забеспячэнне якіх ажыццяўляецца органамі па працы, занятасці і сацыяльнай абароне г. Мінска (за выключэннем асоб, якія знаходзяцца на дзяржаўным забеспячэнні, у месцах пазбаўлення волі), складзе з ліку: ветэранаў Вялікай Айчыннай вайны, у тым ліку інвалідаў Вялікай Айчыннай вайны, непрацуючых інвалідаў баявых дзеянняў на тэрыторыі іншых дзяржаў у памеры дзвюх мінімальных пенсій па ўзросце (замест адной), членаў сем’яў ваеннаслужачых, партызан і падпольшчыкаў, загінулых (памерлых) у гады Вялікай Айчыннай вайны, якія адносяцца да катэгорыі ветэранаў, інвалідаў, пажылых людзей, у памеры адной мінімальнай пенсіі па ўзросце (замест 50 працэнтаў ад мінімальнай пенсіі).

Штомесячная даплата да пенсій непрацуючым і не зарэгістраваным у якасці індывідуальных прадпрымальнікаў інвалідам I і II групы, якія атрымліваюць сацыяльныя пенсіі па інваліднасці, пенсійнае забеспячэнне якіх ажыццяўляецца органамі па працы, занятасці і сацыяльнай абароне г. Мінска (за выключэннем асоб, якія знаходзяцца на дзяржаўным забеспячэнні, у месцах пазбаўлення волі) павялічана да 150 працэнтаў мінімальнай пенсіі па ўзросце, замест 50 працэнтаў.

Акрамя таго, адзінокія ветэраны Вялікай Айчыннай вайны, якія жывуць у Мінску, вызваляюцца ад аплаты за сацыяльныя паслугі ў форме сацыяльнага абслугоўвання дома, якія аказваюцца тэрытарыяльнымі цэнтрамі сацыяльнага абслугоўвання насельніцтва сталіцы, у межах устаноўленых норм і нарматываў.

Гэта рашэнне ўступае ў сілу пасля яго афіцыйнага апублікавання.