У Савецкае РУУС звярнулася 70-гадовая мінчанка, якая стала ахвярай тэлефонных аферыстаў па схеме «замена лічыльнікаў».

Спачатку пенсіянерцы ў месенджары паступіў званок з замежнага нумара, мужчына прадставіўся супрацоўнікам службы па замене лічыльнікаў вады. Ён паведаміў, што жанчыне прыйдзе код, які адпавядае нумару электроннай чаргі. 

Затым у размову ўступіў ілжэправаахоўнік: ён пераканаў пенсіянерку, што ад яе імя ашуканцы пераводзяць грошы на злачынныя рахункі. Пад пагрозай крымінальнага пераследавання і вобыску ў кватэры жанчыну прымусілі «задэклараваць» зберажэнні. 

Спалохаўшыся, пенсіянерка па ўказанні зламысніка перадала кур’еру ў прадуктовым магазіне 38 тысяч долараў, якія дасталіся ёй у спадчыну ад маці.

Аператыўнікі ўстанавілі асобу кур’ера — 21-гадовая жыхарка Гомеля, якая сама раней стала ахвярай махляроў. Аферысты вымусілі дзяўчыну аформіць крэдыт на 15 тысяч рублёў і перавесці сродкі на іх рахункі, а затым адправілі яе ў Мінск. Там яна забрала грошы ў пацярпелай, пакінула іх у смеццевым баку і вярнулася дадому.