Супрацоўнікі МУС нагадваюць: катэгарычна забараняецца перабягаць пуці перад саставам, які набліжаецца, скакаць з платформы або спрабаваць прабрацца пад цягнік. Катацца на кабінах, счэпных прыладах ці дахах вагонаў недапушчальна. Важным элементам асабістай бяспекі з’яўляецца захаванне пільнасці: у зоне руху цягнікоў рэкамендуецца здымаць навушнікі і не карыстацца мабільным тэлефонам, каб своечасова заўважыць састаў, што набліжаецца, і пачуць папярэджвальныя сігналы.

— На аб’ектах чыгуначнага транспарту важна выконваць базавыя правілы асабістай бяспекі. Варта перасякаць пуці па абсталяваных пешаходных насцілах, не стаяць блізка да краю платформы, не гуляць каля саставу, які рухаецца або не рухаецца, і на рэйках. Падобныя парушэнні прыводзяць да адказнасці, небяспечных для здароўя і нават жыцця наступстваў, — падкрэсліў першы намеснік начальніка Мінскага АУСТ — начальнік МГБ Сяргей ПАПКОЎ у тэлеграм-канале міліцыі Мінска.

У поле асаблівай увагі праваахоўнікаў трапляюць пасажыры з буйнагабарытным багажом, каб мінімізаваць рызыкі, звязаныя з перавозкай патэнцыяльна небяспечных ці забароненых прадметаў. Акцэнт робіцца і на гарантаванні бяспекі пасажырскіх перавозак. Для гэтага арганізавана дадатковае суправаджэнне цягнікоў, якія едуць па міжнародных, міжрэгіянальных і рэгіянальных лініях. Прысутнасць супрацоўнікаў міліцыі ў дарозе павышае ўзровень аховы пасажыраў і іх маёмасці, служыць стрымлівальным фактарам для зламыснікаў.

Прафілактычныя мерапрыемствы, як сцвярджаюць у ведамстве, будуць працягвацца.

Аміна НАЗАРАВА

Фота Беларускай чыгункі