Цікава, што дыстанцыю ў марафоне пераадолелі людзі разам са сваімі чацвераногімі гадаванцамі. Мерапрыемства правялі ўжо другі год запар. Удзельнікі змаглі актыўна правесці час са сваімі сабакамі — арганізатары не рабілі акцэнту на спартыўных выніках і рэкордах.

Удзельнікам трэба было прабегчы або прайсці з гадаванцам дыстанцыю ў 1 км. Да 11.30 адбыўся фініш, а ў 12.00 адбылося ўрачыстае ўзнагароджанне пераможцаў.

Да ўдзелу дапускаліся сабакі любых парод і памераў ва ўзросце ад аднаго года пры ўмове, што яны здаровыя і прышчэплены. Удзел быў бясплатным, але патрабавалася папярэдняя рэгістрацыя. Перад стартам усе гадаванцы прайшлі ветэрынарны кантроль.

Самыя хуткія дуэты атрымалі медалі і каштоўныя падарункі, кожны ўдзельнік — дыплом. Акрамя таго, сярод удзельнікаў разыгралі мерч праекту «Спорт для ўсіх» і прызы ад партнёра марафону.

Данііл Пятроў.