Паводле інфармацыі аператыўнікаў, у міліцыю паступіла паведамленне аб пашкоджанні і выкраданні наяўных грошай з гульнявога аўтамата, які знаходзіцца па праспекце Пераможцаў у Мінску. Высветлілася, што 17-гадовы студэнт — жыхар Віцебскай вобласці — прыехаў у Мінск адпачыць. Позна ўвечары хлопец узламаў «Сіламетр», забраў з яго грошы і ўцёк.

Дзякуючы аператыўнай рабоце праваахоўнікаў маладога чалавека затрымалі. Яму трэба будзе пакрыць матэрыяльную шкоду. Па факце крадзяжу распачата крымінальная справа.