Студэнт чацвёртага курса юрыдычнага факультэта БДУ Сяргей Мілеўскі ўдасканаліў схему сталічных трамвайных маршрутаў. Яна аб’яднала разрозненыя карты ў адну інфаграфіку, паведамляюць «Минск-Новости».
Старыя трамвайныя карты, па сутнасці, не абнаўляліся з 90-х. Іх дызайн састарэлы як з эстэтычнага, так і з функцыянальнага пункта гледжання.
Сяргей Мілеўскі прапанаваў рашэнне: сабраць у адну інфаграфіку маршруты трамваяў, перасадачныя вузлы і лініі метро. Праект быў рэалізаваны ў рамках праграмы «Кіраўнік будучыні», якую БДУ праводзіць сумесна з Мінгарвыканкамам.
Як адзначыў Мілеўскі, ён сам не раз блытаўся ў маршрутах. Старая схема была раздробнена: адна карта — трамваі, іншая — перасадкі, трэцяя — метро. Усё гэта складана счытваецца на хаду.
Каб зрабіць схему зразумелай, студэнт аб’яднаў намаганні з дызайнерам Сяргеем Кантэнтам. Іх работа будавалася на наступных прынцыпах:
- Каляровая кадзіроўка маршрутаў — абазначылі лініі метро так, каб яны не зліваліся з трамвайнымі, але пры гэтым заставаліся бачнымі.
- Геаграфічная дакладнасць — каб карта адлюстроўвала рэальную адлегласць, размяшчэнне вуліц і прыпынкаў.
У «Мінсктрансе» новы падыход адобрылі. Паводле слоў генеральнага дырэктара прадпрыемства Алега Дзюбенкі, схема прайшла праверку на адпаведнасць раскладу руху і ўжо размешчана на прыпынку «Чырвоная» — пакуль у тэставым рэжыме.
Калі тэст пройдзе паспяхова, новую схему могуць размясціць на ключавых прыпынках — ля станцый метро, у турыстычных зонах, ля стадыёна «Дынама».
«Мы ўжо атрымліваем прапановы ад мінчан: дадаць арыенціры, змяніць подпісы. Усё фіксуем, дапрацоўваем», — расказаў Мілеўскі.
Фота: «Минск-Новости»
