Устаноўлена, што арганізацыямі, у кампетэнцыю якіх уваходзіць абслугоўванне жылых дамоў і будынкаў, не прымаюцца дастатковыя меры па добраўпарадкаванні і ўтрыманні аб’ектаў па вуліцах Багдановіча, Інтэрнацыянальнай, Камсамольскай, Рэвалюцыйнай і Зыбіцкай у сталіцы ў метэаралагічнай абстаноўцы.

Па выніках праверкі пракуратура Цэнтральнага раёна Мінска ўнесла прадпісанні ў адрас дырэктараў абслуговых арганізацый, у тым ліку камунальных службаў, у якіх запатрабавала неадкладна прыняць меры па ачыстцы дахаў і фасадаў будынкаў ад снегу, наледзі і ледзяшоў. Акты пракурорскага нагляду выкананы ў поўным аб’ёме, выяўленыя парушэнні ліквідаваны.

Работнікі пракуратуры папярэджваюць грамадзян: перад тым як прайсці ўздоўж будынка або прыпаркаваць аўто, варта пераканацца, што гэта бяспечна і на даху няма снежных шапак і грувасткіх ледзяшоў. Забаронена заходзіць за агароджаныя стужкай зоны. У выпадку выяўлення небяспечных ледзяшоў або наледзі на даху паведаміце пра гэта ў службу 115.