Належны стан балконаў шматкватэрных жылых дамоў — гэта ў першую чаргу бяспека для жыхароў горада. Балконы ў шматкватэрных жылых дамах рамантуюцца па праграмах бягучага або капітальнага рамонтаў.

«Агляд балконаў ажыццяўляецца абслуговымі арганізацыямі два разы на год падчас планавых вясновых і восеньскіх аглядаў жыллёвага фонду. У выпадку выяўлення дэфектаў канструкцый, якія не ўплываюць на бяспеку далейшай эксплуатацыі, работы па рамонце ўключаюцца ў гадавы план бягучага рамонту жыллёвага фонду. У выпадку выяўлення аварыйнага стану канструкцый, балкон агароджваецца, выхад на яго апячатваецца, а жыхарам выдаецца прадпісанне аб забароне карыстання балконам. Яго рамонт уключаюць у план работ на бліжэйшы час», — паведамілі ў арганізацыі. 

У адпаведнасці з Правіламі карыстання жылымі памяшканнямі, утрымання жылых і дапаможных памяшканняў сачыць за станам сваіх балконаў і лоджый павінны і самі жыхары. Пры выяўленні няспраўнасцяў канструктыўных элементаў, асабліва, якія пагражаюць разбурэннем, неабходна паведаміць спецыялістам абслуговай арганізацыі.

За тры месяцы бягучага года выканалі рамонт 80 балконаў.