З 19 жніўня ў Мінску запрацуюць два новыя аўтобусныя маршруты. Праўда, яны будуць часовымі, паведамляе Точка.by. Аўтобусы запусцяць ад станцый метро «Акадэмія навук» і «Пушкінская».
Як заявілі на прадпрыемстве «Сталічны транспарт і сувязь», транспарт будзе курсіраваць да Мінскага міжнароднага выставачнага цэнтра. Ён знаходзіцца на вуліцы П. Мядзелкі — гэта каля МКАД.
Аўтобусы па дадзеных маршрутах будуць хадзіць на працягу трох дзён.
У Мінскім міжнародным выставачным цэнтры з 19 па 21 жніўня пройдзе выстава Ecology Expo 2025.
Дзеля гэтага ад станцыі метро «Акадэмія навук» запусцяць аўтобус № 912э, а ад станцыі метро «Пушкінская» — № 962э.
У першы дзень транспарт будзе курсіраваць з 09:00 да 19:00 з інтэрвалам руху 15 хвілін, 20 жніўня — з 09:00 да 19:00 і 21 жніўня — з 09:00 да 17:00 з 30-хвілінным інтэрвалам.
