У Мінску да канца года плануюць злучыць вуліцу Чыжэўскіх з вуліцай Станіслава Манюшкі. Новую дарогу працягласцю 385 метраў пракладуць па паўночна-заходняй мяжы мікрараёна Лошыца-5. Пра гэта sb.by паведамілі ў ДВА «Мінскбуд».
Адзначаецца, што дарога будзе двухпалоснай, з тратуарамі паабапал, на адным з якіх уладкуюць веладарожку. З 385 метраў будаўнікам засталося пракласці менш за траціну і злучыць з вуліцай Чыжэўскіх. У месцах перасячэння з існуючай вулічна-дарожнай сеткай прадугледжаны палосы разгону.
— За бачнай прастатой канструкцыі — складаная праца: дарожнае палатно вышынёй крыху больш за метр (дакладней 1,04 метра) складаецца са шматслойнага «пірага» з пясчанага, жвіровага, пясчана-жвіровага слаёў з фінішным пакрыццём з цэментабетону, — удакладнілі ў аб’яднанні. — Будаўніцтву дарогі папярэднічала пракладка сетак у разліку на функцыянаванне будучага мікрараёна.
Заказчыкам аб’екта выступае УКБ Мінгарвыканкама, праекціроўшчыкам з’яўляецца «Мінскінжпраект».
