Аранжавы ўзровень небяспекі аб’яўлены ў краіне. Паводле звестак Белгідрамета, на большай частцы тэрыторыі 23 лістапада чакаюцца снег, мокры снег, па паўднёвым усходзе — з дажджом. У многіх раёнах — моцны снег, месцамі галалёд.

У выратавальным ведамстве нагадалі аб магчымых фактарах небяспекі пры непагадзі. Снегапады могуць прывесці да перабояў або адключэння энергазабеспячэння, падзення дрэў, пашкоджання ліній сувязі і электраперадачы, дахаў будынкаў і збудаванняў.

Таксама магчыма ўскладненне абстаноўкі на дарогах. Асноўнымі фактарамі рызыкі становяцца зніжэнне бачнасці, цяжкасць руху транспарту, павелічэнне верагоднасці ўзнікнення ДТЗ.