«Аддавайце перавагу абсталяваным зонам для купання. Стыхійныя пляжы часта хаваюць небяспекі: ад невядомага рэльефу дна да віроў. Заходзьце ў ваду выключна ў цвярозым стане. Алкаголь істотна зніжае хуткасць рэакцыі, пагаршае каардынацыю рухаў», — распавялі ў МНС.

Дзеці заўсёды павінны знаходзіцца пад пільным наглядам дарослых. «Дзіця можа патануць літаральна за лічаныя секунды, нават там, дзе неглыбока. Нарукаўнікі, камізэлькі толькі дапаўняюць, а не адмяняюць бацькоўскі нагляд, — адзначылі ратавальнікі. — Разлічвайце свае сілы: нават калі вы цудоўны плывец, не варта заплываць занадта далёка ад берага. Нечаканая стомленасць, моцная плынь або раптоўная змена ўмоў надвор’я могуць стаць сур’ёзнай пагрозай».