У Дэпартаменце па грамадзянстве і міграцыі МУС у сувязі з паступаючымі запытамі звярнулі ўвагу, што пашпарт дзіцяці можа быць выдадзены фактычна з моманту яго нараджэння пры прад’яўленні пасведчання аб нараджэнні. Для дзяцей, якія дасягнулі 14-гадовага ўзросту, атрыманне пашпарта з’яўляецца абавязковым.

Каб аформіць пашпарты непаўналетнім, іх законныя прадстаўнікі павінны звярнуцца ў тэрытарыяльнае падраздзяленне АУС, прад’явіўшы поўны пакет дакументаў, прадугледжаных адпаведнай адміністрацыйнай працэдурай.

«Калі на момант нараджэння дзіцяці хаця б адзін з яго бацькоў з’яўляецца грамадзянінам Рэспублікі Беларусь, то яно набывае грамадзянства нашай краіны незалежна ад месца свайго нараджэння. Адпаведна, для перасячэння граніцы нашай краіны яму неабходны пашпарт узору 1996 года або біяметрычны пашпарт. Пры яго адсутнасці аднаразовы ўезд ажыццяўляецца па пасведчанні на вяртанне. Беларусь не прызнае прыналежнасць да грамадзянства замежнай дзяржавы сваіх грамадзян», — адзначылі ў ведамстве.