Адзначаецца, што, згодна з пастановай Савета Міністраў ад 4 студзеня 2007 года № 2, пеня можа быць спісана пры ўмове поўнага пагашэння асноўнага доўгу за жыллёва-камунальныя паслугі.

— Пасля пагашэння запазычанасці грамадзяніну неабходна падаць заяву ў адвольнай форме ў арганізацыю, якая ажыццяўляе налічэнне платы за жыллёва-камунальныя паслугі, — расказалі ў ведамстве. — У заяве трэба паказаць прычыны ўзнікнення запазычанасці.

На працягу сямі дзён пасля атрымання заявы арганізацыя абследуе жыллёвыя ўмовы заяўніка і членаў яго сям’і, якія пражываюць з ім, вызначыць іх маёмаснае становішча і складзе акт абследавання. Пры неабходнасці арганізацыя запытвае ў дзяржаўных органаў і арганізацый дакументы аб даходах і маёмасным становішчы сям’і. Грамадзянін таксама можа падаць іх самастойна.

Як дапоўнілі ў прэс-службе, не пазней як за 20 каляндарных дзён з дня падачы заявы арганізацыя накіроўвае ў гарадскі або раённы выканаўчы камітэт (адміністрацыю раёна Мінска) праект рашэння аб спісанні пені або аб адмове ў яе спісанні разам з неабходнымі дакументамі. На прыняцце рашэння адводзіцца яшчэ 20 каляндарных дзён з дня паступлення праекта.

— Пастанова ўзгадняецца з аблвыканкамам або Мінскім гарвыканкамам. Аб выніку грамадзяніну пісьмова паведамляюць на працягу пяці дзён, — рэзюмавалі ў міністэрстве.