Міністр замежных спраў Беларусі Максім Рыжанкоў 20 мая сустрэўся з Надзвычайным і Паўнамоцным Паслом Бразіліі ў Беларусі Бернардам Жоргам Леапольдам дэ Гарсія Клінглам з нагоды завяршэння яго дыпламатычнай місіі, паведамляе БелТА са спасылкай на прэс-службу МЗС.
«Суразмоўцы з задавальненнем адзначылі станоўчую дынаміку развіцця супрацоўніцтва паміж Беларуссю і Бразіліяй», — праінфармавалі ў знешнепалітычным ведамстве.
Прадметна абмяркоўваліся ключавыя напрамкі ўзаемадзеяння. Пацверджана важнасць далейшага ўмацавання супрацоўніцтва ва ўсіх сферах, якія ўяўляюць узаемную цікавасць.
Максім Рыжанкоў выказаў падзяку паслу за яго плённую дзейнасць і значны ўклад у развіццё ўсяго комплексу беларуска-бразільскіх адносін, у першую чаргу палітычнага дыялогу і гандлёва-эканамічнага супрацоўніцтва, а таксама двухбаковых сувязей у галіне культуры, навукі і адукацыі.
