Верагодна, сустракаць 2026 год беларусы змогуць пад святлом паўночнага ззяння. Згодна з прагнозам лабараторыі сонечнай актыўнасці, у ноч з 31 снежня на 1 студзеня чакаецца слабая магнітная бура ўзроўню G1, якая можа стварыць умовы для з’яўлення гэтай атмасфернай з’явы нават на шыротах Беларусі, перадае Tochka.by.
Чаканыя ўзрушэнні магнітнага поля Зямлі будуць выкліканыя двума фактарамі. На планету адначасова ўздзейнічаюць паток часціц ад невялікай каранальнай дзіркі на Сонца і край плазменнага воблака, выкінутага ў выніку серыі ўспышак M-класа. Адбыліся яны яшчэ 28-29 снежня.
Такое спалучэнне стварае ўмовы для геамагнітнай актыўнасці ў навагоднюю ноч.
Спецыялісты пацвярджаюць магчымасць узнікнення палярных ззянняў у першую ноч года. Найбольш відавочныя яны ў паўночных рэгіёнах, аднак і для шырот Беларусі ёсць верагоднасць каля 20 % убачыць гэту з’яву няўзброеным вокам.
Назіранням будуць перашкаджаць традыцыйныя навагоднія перашкоды: яркая гарадская ілюмінацыя і Месяц, які створыць дадатковае засвятленне неба.
