У рамках тэлефестывалю адбудуцца майстар-класы ад вядомых кінематаграфістаў, прадзюсераў і журналістаў, экалагічныя акцыі, экскурсіі, у тым ліку наведванне эколагаарыентаваных прадпрыемстваў Ніжагародскага рэгіёна, а таксама адкрыты паказ фільмаў беларускіх вытворцаў экалагічнага кіно. Фестываль пройдзе пры афіцыйнай падтрымцы Урада Ніжагародскай вобласці, камітэта Заканадаўчага Сходу Ніжагародскай вобласці па экалогіі і прыродакарыстанні.

Тэлеконкурс, які дынамічна развіваецца, аб’ядноўвае журналістаў, стваральнікаў экалагічнага відэакантэнту з дзесяткаў краін і рэгіёнаў. У 2024 годзе яго пляцоўкі наведалі міністры краін БРІКС. У розныя гады пераможцамі і лаўрэатамі фестывалю станавіліся прадстаўнікі Белтэлерадыёкампаніі, Нацыянальнага прадстаўніцтва МТРК «Мір» у Рэспубліцы Беларусь, рэгіянальных тэлекампаній, творчых майстэрняў і студый, у тым ліку школ і гімназій Мінска і іншых гарадоў. У гэтым годзе ў беларускіх удзельнікаў з’явілася яшчэ больш шанцаў павезці дадому дыпломы і прызы ў выглядзе крыштальнай кроплі. Спецыяльна для аўтараў з Беларусі, якія працуюць у жанрах экалагічнай тэматыкі, уведзена новая намінацыя — «Белы бусел». Прыём заявак — да 1 жніўня.

У фестывальнай праграме 2025 года прадугледжана правядзенне Дня «зялёнага кіно» Рэспублікі Беларусь, міжнароднай канферэнцыі «Зялёны мост. Экалагічная асвета без межаў», экалагічнай акцыі па выпуску моладзі сцерлядзі ў Волгу і інш.