У Палату прадстаўнікоў паступіў праект закона «Аб змене законаў па пытаннях забеспячэння ваеннай бяспекі і абароны». Аб гэтым БелТА паведамілі ў прэс-службе Палаты прадстаўнікоў.
Законапраектам, у прыватнасці, прадугледжваюцца ўзгадненне тэрміналогіі названых законаў з палажэннямі Ваеннай дактрыны, прывядзенне ў адпаведнасць з ёй паўнамоцтваў Прэзідэнта Рэспублікі Беларусь, Савета Бяспекі Рэспублікі Беларусь, Міністэрства абароны і Генеральнага штаба Узброеных Сіл у галіне абароны; удакладненне і канкрэтызацыя задач Узброеных Сіл, функцый Генеральнага штаба Узброеных Сіл па забеспячэнні ваеннай бяспекі і ўзброенай абароны Рэспублікі Беларусь; прывядзенне ў адпаведнасць з Ваеннай дактрынай пераліку ваенных пагроз, якія з’яўляюцца падставамі для ўвядзення ваеннага становішча на тэрыторыі Рэспублікі Беларусь; аднясенне акта ўзброенай агрэсіі з боку якой-небудзь дзяржавы (кааліцыі дзяржаў), учыненай супраць Саюзнай дзяржавы, да нападу, які з’яўляецца падставай для ўвядзення ваеннага становішча на тэрыторыі Рэспублікі Беларусь.
- Праектам закона прадугледжваецца ўнясенне змен у закон ад 3 лістапада 1992 г. № 1902-XII «Аб абароне», у закон ад 3 лістапада 1992 г. № 1904-XII «Аб Узброеных Сілах Рэспублікі Беларусь», у закон ад 13 студзеня 2003 г. нумар 185-З «Аб ваенным становішчы».
