Як паведамілі спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды, 5 мая надвор’е ў Беларусі ў асноўным будуць вызначаць халодныя няўстойлівыя паветраныя масы, якія паступаюць з паўночнага захаду Еўропы.
Пахаладае. Чакаецца воблачна з праясненнямі. Ноччу і раніцай месцамі, днём у асобных раёнах па паўночным усходзе краіны кароткачасовыя ападкі (дождж, ноччу з мокрым снегам). Вецер паўночнай чвэрці ўмераны, месцамі парывісты. Тэмпература паветра ўначы ад плюс 1 да плюс 8 °С, пры праясненнях замаразкі ад нуля да мінус 3 °С. Тэмпература паветра днём ад плюс 7 да плюс 14 °с, па паўднёвым усходзе да плюс 17 °С.
Сяргей КУРКАЧ
Фота з адкрытых крыніц
