Як адзначылі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды, 26 мая будзе воблачна.
На большай частцы тэрыторыі краіны чакаюцца дажджы, месцамі па краіне — моцныя дажджы і навальніцы. Ноччу і раніцай месцамі па захадзе рэспублікі слабы туман. Вецер пераменных кірункаў парывісты, удзень пры навальніцах моцны парывісты. Тэмпература паветра мінімальная ноччу ад плюс 6 да плюс 13 °С, па ўсходзе краіны да плюс 15 °С. Днём будзе проста цёпла, у раёне плюс 13 — плюс 20 °С, па ўсходзе да плюс 26 °С.
