Папа Рымскі Леў XIV паспяхова перанёс аперацыю па выдаленні вузла ў лёгкім. Пра гэта паведамляе служба друку Святога прастола.

«Для забеспячэння радыкальнасці працэдуры была выдаленая ніжняя доля правага лёгкага з выкарыстаннем відэаасіставанай тэхнікі. Інтрааперацыйнае гісталагічнае даследаванне пацвердзіла дыягназ адэнакарцыномы лёгкага», — гаворыцца ў заяве.

Па словах урачоў Луіджы Карбоне і Стэфана Маргарытара, дыягназ быў западозраны яшчэ на падставе перадаперацыйных тэстаў.

Хірургічнае ўмяшанне прайшло 13 кастрычніка і працягнулася прыкладна паўтары гадзіны. У аперацыйнай пантыфік правёў тры гадзіны. Усё прайшло паспяхова і без ускладненняў. Цяпер ён пераведзены ў сваю палату на дзясятым паверсе.

Да бальніцы Папа Рымскі дабраўся сам: прыехаў на аўтамабілі і пешшу дайшоў да плошчы, дзе яго сустрэлі работнікі ўстановы. Раней вядомых праблем са здароўем у яго не было.

71-гадовы Леў XIV быў абраны ў маі мінулага года. Ён стаў першым Папам Рымскім з ЗША.