Аб’яднаны ваенны аркестр, які прыме ўдзел у маючым адбыцца ваенным парадзе ў гонар 80-годдзя Перамогі ў Вайне супраціўлення кітайскага народа японскім захопнікам, стане найбуйнейшым у сваім родзе з моманту заснавання Кітайскай Народнай Рэспублікі, паведаміў кітайскі ваенны чыноўнік, перадае «Сіньхуа».

Як паведаміў Хуан Яньхуэй, кіраўнік аб’яднанага ваеннага аркестра Народна-вызваленчай арміі Кітая (НВАК), аркестр складаецца з больш як тысячы чалавек, уключаючы членаў ваеннага аркестра ганаровай варты НВАК і выдатных выканаўцаў ваеннай музыкі з іншых войскаў.
Па словах Хуан Яньхуэя, стварэнне аркестра падкрэслівае тэму Вайны супраціўлення кітайскага народа японскім захопнікам. 14 шэрагаў аркестра сімвалізуюць 14 гадоў вайны, у той час як 80 пратакольных гарністаў у пярэдніх шэрагах сімвалізуюць 80-ю гадавіну Перамогі ў вайне.

У час парада аркестр выканае некалькі класічных мелодый, звязаных з ваеннай тэматыкай, а таксама новыя музычныя кампазіцыі, створаныя спецыяльна для парада, дадаў Хуан Яньхуэй.

Маштабны ваенны парад у гонар 80-годдзя Перамогі запланаваны на 3 верасня на плошчы Цяньаньмэнь у Пекіне.